|
Sjálfsbjörg félag fatlaðra á höfuðborgarsvæðinu var stofnað árið 1958 og var annað Sjálfsbjargarfélagið á landinu.
Markmið félagsins er eins og segir í lögum þess - Markmið félagsins er, að vinna að fullkominni þátttöku og jafnrétti hreyfihamlaðra og annarra fatlaðra, á öllum sviðum þjóðlífsins.
- Hafa áhrif á ríkis- og sveitarstjórnir.
- Hafa áhrif á hagsmunasamtök og einstaklinga til dæmis með útgáfu á kynningarefni um málefni fatlaðra.
- Efla félagslíf fatlaðs fólks.
Félagið rekur skrifstofu í Sjálfsbjargarhúsinu Hátúni 12 og er staðsett sunnanmegin við hliðina á sundlauginni sem þar er. Starfsmenn skrifstofunnar eru Jóhanna Ólafsdóttir og Anna Kristín Sigvaldadóttir.
Afgreiðslutími er mánudaga til fimmtudaga kl. 08:00 - 15:00
og á föstudögum kl. 08:00 til 13:00 Síminn er 551-7868 Fax 551 7840
Öflugt félagsstarf hefur einkennt félagið í gegnum tíðina og starfa á vegum þess fjöldi nefnda og þær eru:
Ritnefnd, Krikanefnd, fjáröflunarnefnd, laganefnd, ferðanefnd, skemmtinefnd, basarnefnd, veiðinefnd, briddsnefnd, taflnefnd, framtíðarnefnd, átakshópur, handavinnu- og föndurnefnd og ferlinefndir á höfuðborgarsvæðinu.
Flestar þessar nefndir eru virkar og gegna ákveðnu hlutverki eins og nöfn þeirra benda til.
Félagsheimilið er opið fjögur kvöld í viku, á mánudögum er Bridge, þriðjudögum er bingó aðra hvora viku og Opið hús hina vikuna, þá er oftast spilað Uno og svo eru einnig haldnir félagsfundir og almennir fræðslufundir. Á miðvikudögum er spiluð félagsvist og á fimmtudögum er skák.
Netfang félagsins er rfelag(at)sjalfsbjorg.is
|
